ناس كتير مش بتقدر تفرق مابين مدير المنتج و صاحب المنتج 😏✨
الفرق مش سهل وفيه شركات بتخلط مابين الاتنين وتمسكهم لواحد وخلاص، بس في الحقيقة اللي يقدر يجمع مابينهم هو شخص سوبر مش عادي، تعالي كده احكيلك قصة قصيرة تفهمك اكتر قصدي.
🎭 المشهد الأول
في نفس الشركة،
في نفس الطابق،
وقاعدين على مكاتب لازقة في بعض…
عُمر بيشتغل Product Manager،
وعلي بيشتغل Product Owner.
الاتنين بيحبّوا المنتج جدًا…
لكن بيشوفوه بعينين مختلفتين 👀.
💡 المشهد الثاني: بداية النهار
الساعة 9 الصبح ☕
عُمر فاتح Notion بيقرأ أرقام واحصائيات عن السوق،
يتأمل ويتفكر في retention rate، ويقول في نفسه:
“لو زودنا خاصية الـ gamification الجديدة ديه، ممكن نزود التفاعل 25%.”
في نفس اللحظة،
علي فاتح Jira بيبص على الـ backlog،
ويقول:
“طيب نبدأ بالـ API ولا نظبط ال wireframe الأول؟”
عُمر بيفكر في “لماذا”.
علي بيفكر في “كيف”.
🧩 المشهد الثالث: Stand-up
الاجتماع بدأ، الشاشة شغالة، الفريق كله حاضر.
عُمر بيقول:
“هدف الربع ده إننا نفتح سوق السعودية، ونجرب خطة سهلة جديدة لزيادة التفاعل.”
وعلي بيرد بابتسامة عملية:
“تمام، بس لازم نفكر في التيم هل هيقدر يخلص السبرنت الجاي علشان ما نحرقهمش؟.”
هنا الفرق بيظهر بوضوح:
| زاوية التفكير | عمر (PM) | علي (PO) |
|---|---|---|
| التركيز | السوق، العملاء، والرؤية الطويلة | الفريق، التفاصيل، والتنفيذ |
| الأدوات | Data, Roadmap, Metrics | Backlog, User stories, Jira |
| الاهداف | “عايزين نحقق 10% نمو” | “المهمة دي هتخلص خلال 3 أيام” |
| الوقت | شهور وسنين | أسابيع وسبرنتات |
💬 المشهد الرابع: آخر اليوم
عُمر بيكتب تقرير للإدارة:
“نسبة الاستخدام زادت بعد التحديث الأخير، بس محتاجين حملة ترويجية جديدة، علشان نجيب مستخدمين جدد”
وعلي بيقفل اللابتوب بعد ما خلص مراجعة الtesting ويقول:
“أخيرًا ال feature الجديدة طلعت بدون bugs. الحمد لله!”
الاتنين فرحانين بنفس النتيجة،
لكن كل واحد فيهم شايف النجاح بطريقة مختلفة.
🎯 ركّز معايا
- عمر بيقيس النجاح بالأرقام، النمو، والـ KPIs.
- علي بيقيس النجاح بسرعة الإنجاز وجودة التنفيذ.
- عمر بيتكلم لغة السوق.
- علي بيتكلم لغة الفريق.
- عمر بيبني الخطة.
- علي بيحوّلها لحقيقة.
✅ اعمل الصح
لو شركتك ناشئة:
- ممكن تكون عمر وعلي في نفس الشخص!
وده طبيعي، بس لازم تفصل بين الشخصيتين في دماغك:- لما تفكر في السوق: البس قبعة عمر 🎩
- لما تدير السبرنت: البس قبعة علي 🧢
ولو شركتك كبيرة:
- خَلّي بينهم قناة تواصل واضحة.
عمر بدون علي هيحلم كتير.
وعلي بدون عمر هينفّذ كتير من غير هدف.
🔚 النهاية
في الآخر…
عمر وعلي اتنين،
هما بيكملوا بعض.
عمر بيبني الاتجاه او الرؤية،
وعلي بيخلي المركب تمشي من غير ما تغرق. 🚀
