من لقمة شاورما… لكيلو مشاوي!

كنت أنا والعيلة عاوزين نغيير المطاعم اللي بنشتري منها ونجرب مطعم جديد،
عملنا بحث عن مطعم جديد، مش مشهور… بس شكله يشد.
هل أجربه؟
العقل بيقولي: “خد بالك، متغامرش.”
بس الجوع… بيهمس: “جرب حاجة صغيرة.”

دخلنا… وفتحنا المنيو، لقيت مشاوي، أطباق سورية، حاجات سعرها عادي.
أنا عملت زي أي زبون ذكي:
طلبت شاورما.

ليه؟

  • لأنها حاجة معروفة، سهل الحكم عليها.

  • ما فيهاش مخاطرة كبيرة.

  • أقدر أقيس بيها جودة الدجاج، التتبيلة، النظافة، وحتى طريقة التقديم.

وأقولك الصراحة؟
اتبسطت جدًا.

بعدها بأسبوع، وأنا بدور على مكان أكل فيه مع العيلة…
رجعنا لنفس المطعم.
دخلنا وطلبنا بثقة:

“كيلو مشاوي مشكل… مع رز.”

💡 ركّز معايا: اللي حصل هنا مش صدفة

ده مش بس تصرف طبيعي، ده نموذج شائع جدًا في عالم البيزنس والتسويق، وله اسم:

 Land and Expand Strategy

أو أحيانًا يُوصف ضمن إطار أوسع من:

Customer Journey Optimization

 التحليل من ناحية البيزنس:

في عالم البيزنس، الشركات الناجحة بتبدأ بـ “عرض أول بسيط” (Entry Product أو Intro Offer)
ثم تبني عليه رحلة عميل كاملة تؤدي إلى Upsell أو Expansion.

 أمثلة من الواقع:

1.  Zoom – بدأنا بمكالمة مجانية

  • بتديلك 40 دقيقة مجانا على الاجتماعات.

  • لو احتجت وقت أطول أو عدد أكبر من الحضور؟ لازم تدفع.

  • بعد ما تتعود عليه… هتدفع وانت مرتاح، لأنه أثبت نفسه.

2. Canva – التصميم مجانا… وبعدها

  • بتدخل تصمم مجانًا، تستخدم أدوات قوية.

  • بس لو عايز شغل احترافي أو تعمل براند جايد، أو تحمل بدون علامة مائية؟
    لازم تروح للـ Pro Plan.

3.  متاجر DTC (Direct to Consumer)

  • أول مرة العميل بيجرب منتج صغير: سكين، عطر مصغر، عبوة تجريبية.

  • بعد ما ينبهر؟ يرجع يطلب العبوة الكاملة، أو يشترك شهريًا.

4. صالات الجيم

  • أول جلسة مجانا، أو أسبوع تجربة.

  • بعدها بيعرضوا باقات كاملة، اشتراك سنوي، جلسات مع مدرب شخصي.

وطبعا مش شرط نهائي تكون التجربة مجانية، ممكن يكون عندك باقات سعرها أقل لتجربة الخدمات الإحترافية اللي بتقدمها.

حتي الأن في عالم ال Ai معظم الأدوات بتقدملك باقات صغيرة ب credit علشان تجرب حسب إستخدامك.

 طيب… نرجع لمطعمنا

  • الشاورما = منتج الدخول.

  • كيلو المشاوي = المنتج الربحي الحقيقي (Core Offering).

اللي حصل هنا هو تطبيق عملي لمبدأ:

“قدّم وجبات بسيطة، ثم استثمر في العلاقة.”

اعمل الصح – لو عندك بيزنس

1.  صمّم “منتج دخول” ذكي:

مثلا – منتج:

  • سهل تجربته.

  • سعره مقبول.

  • بجودة عالية.

 الهدف: يخلّي العميل يقول “هم ممتازين فعلًا.”

2. صمّم منتج رئيسي جاهز للترقية:

  • مش بس تكتفي إنه يجربك…

  • لازم يكون فيه خطوة تالية محسوبة: اشتراك، باقة أكبر، خدمة مميزة.

3. اربط الخطوتين ببعض:

  • بعد ما العميل يجربك، ما تسيبوش.

  • ابعت له عرض.

  • اقترح عليه ترقية.

  • اعرض له حل أكبر.

  • ✅ إقناع ما بعد التجربة أسهل بكتير من الإقناع قبلها.

 الخلاصة

الناس مش دايمًا بترفض السعر…
الناس بترفض المجهول.

فلما تبدأ مع عميلك بشاورما، وتثبت له إنك “فاهم في الطعم والجودة”،
هيجيلك المرة الجاية… ويطلب كيلو مشاوي مخصوص.